Hyfforddwr - Iechyd a Diogelwch

Amdanom ni

Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled Abertawe a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr blaenllaw iawn yn y rhanbarth. Rydym yn cyflogi tua 1,000 o staff.

Mae’r Coleg hefyd yn cynnig darpariaeth lles staff o’r radd flaenaf, sy’n adlewyrchu ein hymrwymiad i fuddsoddi yn ein staff gan sicrhau eu bod yn cael eu cefnogi.

Y rôl

Byddwch yn gyfrifol am ddarparu hyfforddiant prentisiaeth o ansawdd uchel ac asesu ein contract dysgu seiliedig ar waith.

Yn ogystal â bod yn ‘hyfforddwr’, byddwch yn gweithredu fel mentor i’r dysgwyr yr ydych yn eu cefnogi, a byddwch yn eu hannog i ddefnyddio tystiolaeth o wybodaeth yn eu portffolios er mwyn iddynt arddangos y sgiliau dysgu seiliedig ar waith y maent wedi’u hennill yn ystod y rhaglen.

• Amser Llawn (37 awr yr wythnos)
• Parhaol
• £36,806 - £42,817 y flwyddyn
• Llys Jiwbilî, Abertawe

Cyfrifoldebau Allweddol

• Cynllunio, paratoi ac addysgu ar draws amrywiaeth o raglenni gan sicrhau bod cynlluniau/cofnodion gwaith ac amserlenni aseiniadau yn briodol i gynnwys y maes llafur a safonau’r corff dyfarnu.
• Sicrhau bod strategaethau addysgu a dysgu a deunyddiau dysgu’n cael eu cynllunio a gwneud yn siwr eu bod yn hygyrch i ateb anghenion amrywiol yr holl ddysgwyr. Byddwch hefyd yn siccrhau bod mentrau trawsbynciol (megis Gwerthoedd Prydeinig, Diogelwch, Sgiliau Hanfodol Cymru) yn cael eu hymgorffori a’u hasesu’n effeithiol.
• Addysgu, asesu a monitro cynnydd dysgwyr, gan gynnwys gosod targedau, cadw a chynnal cofnodion gwaith a chyflawniad.

Amdanoch Chi

• Cymhwyster Iechyd a Diogelwch perthnasol (e.e. NEBOSH, IOSH)
• Profiad o weithio mewn amgylchedd iechyd a diogelwch yn ddymunol
• Gwybodaeth fasnachol, profiad a dealltwriaeth o’r diwydiant, gan gynnwys anghenion hyfforddi

Buddion

• 28 diwrnod o wyliau blynyddol gan gynnwys gwyliau banc. Hefyd, mae’r Coleg ar gau am bythefnos dros gyfnod y Nadolig.
• Cynllun Pensiwn Llywodraeth Leol a chyfraniad cyflogwr o 21% ar gyfartaledd (2025).
• 2 ddiwrnod lles i staff bob blwyddyn
• Disgowntiau ar gostau cwrs os ydych yn astudio un o gyrsiau’r Coleg.
• Cliciwch y linc i ddarganfod rhagor o fuddion: https://www.gcs.ac.uk/cy/recriwtio/buddion-a-lles

Angen cymorth gyda’ch cais? Cliciwch yma i weld ein canllawiau.

Gwybodaeth Bellach

Amrywiaeth a Chynhwysiant

Rydym yn croesawu ceisiadau gan unigolion waeth beth fo’u hoedran, rhywedd, ethnigrwydd, anableddau, cyfeiriadedd rhwyiol, hunaniaeth rhywedd, cefndir economaidd-gymdeithasol, crefydd a/neu gredoau. Rydym yn croesawu hefyd geisiadau gan unigolion mewn grwpiau sydd heb gynrychiolaeth ddigonol o fewn ein sefydliad.

Yr Iaith Gymraeg

I wneud cais yn y Gymraeg, ewch i’n gwefan Cymraeg. Rydym yn annog pobl i gwblhau cais trwy gyfrwng y Gymraeg gan ein bod yn cydnabod pwysigrwydd darparu gwasanaethau dwyieithog, fel y gallwn ehangu ein gweithlu dwyieithog. Ni fydd ceisiadau Cymraeg yn cael eu trin yn llai ffafriol na cheisiadau Saesneg.

Diogelu

Mae Coleg Gwyr Abertawe’n ymrwymedig i ddiogelu a hyrwyddo lles plant, pobl ifanc ac oedolion agored i niwed. Rhaid i bob aelod o staff gydymffurfio â hyn. Bydd penodiadau’n amodol ar wiriadau cyn-gyflogaeth, gan gynnwys:

• Gwiriad DBS manylach, gan gynnwys Rhestrau Gwaharddedig (£49.50)
• Cofrestru gyda Chyngor Gweithlu Addysg Cymru, lle bo angen (£15 - £45 yn dibynnu ar y rôl).